पुण्यातील सेंटर फॉर डेव्हलपमेंट ऍडव्हॉन्स कंप्यूटींग, सी-डॅकच्या संशोधन विभागाने बावीस अधिकृत भारतीय भाषांमधून कॉमेंट्री, स्कोअर बोर्ड तसंच सबटायटल्स अनुवादीत भाषांतरीत करणारं तंत्रज्ञान विकसित केलं आहे. द डिजीटल ऑडीओ ब्रॉडकास्ट टेक्नॉलॉजी या नावाने हे तंत्रज्ञान ओळखलं जाणार आहे. आगामी काळात दिल्लीत होणाऱ्या कॉमनवेल्थ गेमच्या वेळी सी-डॅक हे तंत्रज्ञान प्रेक्षकांना उपलब्ध करुन देणार आहे. या तंत्रामुळे प्रेक्षक क्रिडा समालोचन- कॉमेंट्रीसाठी बावीस भाषांमधून हव्या त्या भाषेची निवड करु शकतील. सध्या डी.व्ही.बी. - डीजीटल व्हीडीओ ब्रॉडकास्ट टेक्नॉलॉजी प्रायोगिक अवस्थेत असून येत्या काही महिन्यांत हे तंत्रज्ञान व्यावसायीक स्वरुपात उपलब्ध होणार आहे.
भाषा निवडीचा पर्याय असणारा डी.व्ही.बी. सेट टॉप बॉक्स आवश्यक आहे आणि 3-जी टेक्नॉलॉजी उपलब्ध झाल्यावर हे तंत्रज्ञान मोबाईलमध्येही वापरता येईल. सी-डॅकच्या तेविसाच्या वर्धापनाच्या दिवशी लिप-लाईव्ह या नावाने हे तंत्रज्ञान उपलब्ध करुन देण्यात आलं. क्रिडा क्षेत्राशिवाय ''लिप लाईव्ह'' टेक्नॉलॉजी शेअर मार्केट, बिझनेस न्युज चॅनेल वेदर रिपोर्टसाठी कसं वापरता येईल, यावर सी-डॅक तंत्रज्ञांची टीम काम करत आहे. प्रादेशिक वाहिन्यांसाठी दुरदर्शन तसंच खाजगी चॅनेल्स कंपन्यांनी हे तंत्रज्ञान वापरावं यासाठी सी-डॅक आणि डिपार्टमेंट ऑफ टेक्नॉलॉजी प्रयत्न करत आहे.
No comments:
Post a Comment